اہم خبریںپاکستان

پاک آرمی کیساتھ جنگی مشقیں، روس کا خصوصی فوجی دستہ پاکستان پہنچ گیا

راولپنڈی: پاک آرمی کیساتھ جنگی مشقوں میں شرکت کیلئے روس کا سپیشل فوجی دستہ پاکستان پہنچ گیا ہے۔

روسی دستے دو ہفتہ طویل جاری رہنے والی جنگی مشق ‘’دورزباہ فائیو’’ میں حصہ لے گا۔ پاک فوج کے شعبہ تعلقات عامہ (آئی ایس پی آر) کی جانب سے جاری ٹویٹ میں کہا گیا ہے کہ مشقوں کا مقصد دونوں ممالک کی مسلح افواج کی انسداد دہشت گردی تجربہ سے فائدہ اٹھانا ہے۔

آئی ایس پی آر کی جانب سے جاری ٹویٹ میں کہا گیا ہے کہ سکائی ڈائیونگ اور لوگوں کو دہشت گردوں کے چنگل سے چھڑانا بھی مشقوں میں شامل ہے۔

https://twitter.com/intent/like?ref_src=twsrc%5Etfw%7Ctwcamp%5Etweetembed%7Ctwterm%5E1324325352760582144%7Ctwgr%5Eshare_3&ref_url=http%3A%2F%2Furdu.dunyanews.tv%2Findex.php%2Fur%2FPakistan%2F571999&tweet_id=1324325352760582144

یہ بھی پڑھیں: پاکستان آرمڈ فورسز کے دستے کی فوجی مشقوں کیوکاز کی افتتاحی تقریب میں شرکت
خیال رہے کہ رواں سال ستمبر میں پاکستان آرمڈ فورسز کے دستے نے روس میں ہونیوالی فوجی مشقوں کیوکاز کی افتتاحی تقریب میں شرکت کی تھی۔

ان مشقوں کا مقصد ایک دوسرے کے تجربات سے استفادہ کرنا تھا۔ روس کے علاقے سترکھان میں منعقد ہونے والی فوجی مشقیں 21 سے 26 ستمبر تک جاری رہیں۔

دلچسپ بات یہ ہے کہ بھارت اس فوجی مشقوں میں شرکت سے آخری وقت میں بھاگ گیا تھا۔ دفاعی ماہرین نے بھارتی فیصلے کو بچگانہ اور تنگ نظری قرار دیا تھا۔

پاکستان نے گزشتہ سال اسی سلسلے کی ٹی سنٹر 2019ء میں بھرپور شرکت کی تھی۔ پاکستان سمیت قازقستان ، کرغزستان، تاجکستان اور ازبکستان شریک ہوئے تھے۔

خیال رہے کہ پاک روس مشترکہ فوجی مشقیں دروزبہ ہر سال منعقد ہوتی ہیں۔ دروزبہ دوستی کے ٹائٹل سے مشقیں 2016ء سے شروع ہوئی تھیں۔ اب تک دروزبہ کے سلسلے کی چار فوجی مشقیں ہو چکی ہیں، ان مشقوں میں انسداد دہشت گردی اور سپیشل آپریشنز کے پہلو شامل ہیں۔

MKB Creation

Mehr Asif

Chief Editor Contact : +92 300 5441090

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔

MKB Creation
Back to top button

I am Watching You