لگتا ہے پی ٹی آئی کے پاس سیاستدانوں کی کمی ہو گئی۔مراد علی شاہ
ہم جنرل نشستوں پر 9 خواتین اور ٹیکنوکریٹ کی نشستوں پر تین تین امیدوار کھڑے کر رہے ہیں۔وزیر اعلی سندھ کی میڈیا سے گفتگو
کراچی(نمائندہ رخسار بٹ)گلوبل ٹائمز میڈیا یورپ کے مطابق وزیر اعلیٰ سندھ نے کہا ہے کہ لگتا ہے پی ٹی آئی کے پاس سیاستدانوں کی کمی ہو گئی ہے۔کراچی میں میڈیا سے گفتگو کرتے ہوئے وزیر اعلیٰ سندھ مراد علی شاہ نے کہا کہ ہم جنرل نشستوں پر 9، خواتین اور ٹیکنوکریٹ کی نشستوں پر تین تین امیدوار کھڑے کر رہے ہیں، سینیٹ کا ووٹ خفیہ ہوتا ہے، ووٹر کی مرضی جس کو ووٹ دے۔ لگتا ہے پی ٹی آئی کے پاس سیاستدانوں کی کمی ہو گئی ہے اُمید ہے اپنے امیدواروں کو کامیاب کروائیں گے، کوئی بھی رکن خفیہ ووٹ پارٹی کے خلاف دے سکتا ہے، بجٹ یا اوپن ووٹ میں کوئی پارٹی پالیسی کے خلاف نہیں جا سکتا۔مراد علی شاہ کا کہنا ہے کہ امن و امان کی صورتحال کے لیے کل کچھ ٹرانسفر کیے گئے ہیں، ہم نے کئی افسران کو تبدیل کرنا ہے، وزیر داخلہ کی تجویز پر تقرریاں اور تبادلے کیے ہیں، امن و امان کی صورتِ حال جلد بہتر ہو گی۔
