اسلام آباد: حال ہی میں وفاقی وزیر اطلاعات کا ایک مرتبہ پھر قلمدان سنبھالنے والے فواد چودھری کیخلاف توہین عدالت کی درخواست سپریم کورٹ میں سماعت کے لیے مقرر کر دی گئی ہے۔
تفصیلات کے مطابق سپریم کورٹ میں وفاقی وزیر اطلاعات فواد چودھری کے خلاف توہین عدالت کی درخواست کی سماعت 19 اپریل کو ہو گی۔ توہین عدالت کی درخواست کو جسٹس قاضی فائز عیسیٰ کیس کے ساتھ ہی سماعت کیلئے مقرر کیا گیا۔
خیال رہے کہ جسٹس قاضی فائز عیسیٰ کی اہلیہ سرینا عیسیٰ نے توہین عدالت کی درخواست دائر کی تھی جس میں مؤقف اختیار کیا گیا تھاکہ فواد چودھری نے جسٹس فائز عیسٰی کو انڈر ٹرائل جج کہہ کر توہین عدالت کی۔
