جہلم کے ڈومیلی جنگل میں نایاب نسل کے ہرن کا شکار کرنے پر ایک شکاری کو گرفتار کر لیا گیا ، ذبح شدہ ہرن 34 ہزار 400 روپے میں نیلام کر دیا گیا۔
محکمہ وائلڈ لائف کے مطابق ڈومیلی کے جنگل میں پابندی کے باوجود ایک شکاری نے اڑیال نسل کے نایاب ہرن کا شکار کیا۔محکمہ وائلڈ لائف کی جانب سے ہرن کے شکار پر شکاری کے خلاف کارروائی کرتے ہوئے اسے گرفتار کر لیا گیا۔محکمہ وائلڈ لائف کا کہنا ہے کہ گرفتار شکاری کے قبضے سے ذبح شدہ ہرن برآمد کر لیا گیا۔محکمہ وائلڈ لائف کے مطابق ذبح شدہ ہرن کو نیلامی کے ذریعے 34 ہزار 400 روپے میں فروخت کر دیا گیا۔
