وزیر ریلوے شیخ رشید کا کہنا ہے کہ بھارت پاکستان کو سرحدوں پر نقصان نہیں پہنچا سکتا اس لیے وہ ملک کو اندر سے تباہ کرنا چاہتا۔
ریلویز ہیڈ کوارٹرز میں میڈیا سے گفتگو کرتے ہوئے ان کا کہنا تھا کہ بھارت کوئی بڑا دہشت گردی کا واقعہ کرسکتا ہے۔
انہوں نے سیاستدانوں کو خبردار کیا کہ وہ اپنی سیکیورٹی کا خیال رکھیں اور کہا کہ ’را نے پاکستان کو اندر سے غیر مستحکم کرنے کی سازش شروع کردی ہے سیاستدان اپنی حفاظت کریں۔
انہوں نے کہا کہ بھارت کو سی پیک ہضم نہیں ہورہا اور بارڈر پر یہ سب گرمی اسی وجہ سے ہے۔
