ایف آئی اے امیگریشن کی ملتان ائرپورٹ پر کاروائی عمرے کی آڑ میں بھکاریوں/انسانی سمگلروں کے گروہ کو آف لوڈ کر دیا۔16مسافر ایک بچے کے ساتھ عمرے کے ویزے پر سفر کر رہے تھے۔
امیگریشن کے دوران معلوم ہوا کہ مسافر بھیک مانگنے کے لیے عمرہ ویزا پر سعودی عرب جا رہے ہیں۔دوران تفتیش مسافروں نے انکشاف کیا کہ وہ سعودی عرب بھیک مانگنے کے غرض سے جا رہے ہیں۔مسافروں کو سعودی عرب پہنچنے پر پاکستانی ایجنٹوں نے وصول کرنا تھا۔
مسافروں نے مزید انکشاف کیا کہ بھیک کی حاصل کردہ آدھی رقم سب ایجنٹ کے حوالے کر دی جائے گی۔عمرہ ویزہ کی مدت پوری ہونے کے بعد مسافروں نے واپس پاکستان آنا تھا۔مسافروں کو مزید جانچ پڑتال اور قانونی کارروائی کے لیے ایف آئی اے کمپوزیٹ سرکل ملتان منتقل کر دیا گیا۔
