اسلام آباد: وزیراعظم عمران خان کا کہنا ہے کہ ایسا پاکستان بنانا چاہتے ہیں جو دنیا میں ایک عالمی طاقت کے طور پر ابھرے۔
ان خیالات کا اظہار وزیراعظم عمران خان نے نیشنل ڈیفنس یونیورسٹی کے دورے کے موقع پر سیمینار سے خطاب کرتے ہوئے کیا۔
پاک فوج کے سپہ سالار جنرل قمر جاوید باجوہ، وفاقی وزیر سائنس و ٹیکنالوجی فوادچودھری، گورنر سندھ عمران اسماعیل، نیشنل ڈیفنس یونیورسٹی کے صدر لیفٹیننٹ جنرل محمد سعید، ملکی اور عالمی ماہرین، پاک فوج کے سینئر آفیسرز و دیگربھی سیمینار میں موجود تھے۔
یہ بھی پڑھیں: سیاسی انتقام کے حامی نہیں اور نہ ہی بغاوت مقدمے سے تعلق ہے: وزیراعظم
دورے کے دوران وزیراعظم عمران خان نے انفارمیشن اور کمیونیکیشن ٹیکنالوجی پر سیمینار کرانے پر نیشنل ڈیفنس یونیورسٹی (این ڈی یو) کی تعریف کی۔
Prime Minister Imran Khan chaired the final session of National Seminar on "Resetting & Rebooting Pakistan's ICT Sector at National Defence University (NDU) Islamabad today.
6/1 pic.twitter.com/ISjiYM4oSb— PTV News (@PTVNewsOfficial) October 7, 2020
وزیراعظم عمران خان نے پاکستان کی ری بوٹنگ کے حوالے سے سیمینار سے خطاب کرتے ہوئے کہا کہ حکومت انفارمیشن اور کمیونیکیشن ٹیکنالوجی کے شعبہ کے لیے سازگار ماحول اور تعاون فراہم کرے گی۔
سیمینار سے خطاب کرتے ہوئے وزیراعظم کا کہنا تھا کہ ایسا پاکستان بنانا چاہتے ہیں جو دنیا میں ایک عالمی طاقت کے طور پر ابھرے، حکومت پاکستان کو خود انحصار ملک میں بدلنا چاہتی ہے۔
انہوں نے مزید کہا کہ انفارمیشن اور کمیونیکیشن ٹیکنالوجی کے شعبہ میں روزگار کے بہت مواقع ہیں، پاکستان کی نوجوان نسل کو ہنر مند بنانے کی ضرورت ہے۔
