اسلام آباد۔ اوگرا نے عوام پر پٹرول بم گرانے کی تیاریاں مکمل کر لیں ہیں اوگرا نے پٹرولیم مصنوعات کی قیمتوں میں11 روپے 95 پیسے فی لٹر اضافے کی ورکنگ ارسال کردی ہے وزارت خزانہ کل نئی قیمتوں کا اعلان کرے گی
ذرائع کے مطابق اوگرا کی جانب سے ارسال کی گئی ورکنگ میں پٹرول کی قیمت میں 11 روپے 95 پیسے فی لٹر اور ہائی سپیڈ ڈیزل 9روپے 75 پیسے فی لٹر اضافے کی تجویز دی ہے ، اوگرا نے اپنی ورکنگ پٹرولیم ڈویژن کو ارسال کردی ہے
وزارت خزانہ اور وزارت پٹرولیم سے مشاورت کےبعد وزیر اعظم کی منظوری سے نئی قیمتوں کا اعلان کرے گی ، ذرائع کے مطابق حکومت پٹرولیم لیوی کی شرح میں ردوبدل کرکے عوام کو ریلیف فراہم کرسکتی ہے ، پٹرولیم مصنوعات کی نئی قیمتوں کا اطلاق پندرہ روز کے لیے ہوگا
